కడప జిల్లా పులివెందులలో మద్యం మాఫియా రెచ్చిపోయింది. ఏకంగా ఎస్సైనే వాహనంతో ఢీ కొట్టి పారిపోయేందుకు యత్నించాడు ఓ వ్యక్తి. అయితే ఎసై త్రుటిలో తప్పించుకున్నారు.
కారుతో ఎస్సైని ఢీకొట్టి... కొంత దూరం తీసుకెళ్లి..
కారులో మద్యం అక్రమంగా రవాణా అవుతోందన్న సమాచారంతో ఎస్సై గోపీనాథ్ రెడ్డి శుక్రవారం పులివెందులలో వాహనాల తనిఖీ చేపట్టారు. ఆ వాహనం రాగానే దానిని నిలిపేందుకు ఎస్సై యత్నించాడు. కానీ అందులో ఉన్న వ్యక్తులు వాహనాన్ని నిలపకుండా.... ఎస్సైని ఢీ కొట్టి కొంత దూరం తీసుకెళ్లారు. వాహనంపై ఉన్న ఎస్సై... చాకచక్యంగా వ్యవహరించి ప్రమాదం నుంచి బయటపడ్డాడు. కారు అద్దాలను పగలగొట్టి డ్రైవర్ను అదుపులోకి తీసుకున్నారు. ఆ కారును, అందులో ఉన్న 80 మద్యం బాటిళ్లను స్వాధీనం చేసుకున్నారు. దీనిపై కేసు నమోదు చేసుకుని దర్యాప్తు చేస్తున్నారు.
