తహసీల్దార్​ కార్యాలయం వద్ద ఎస్సీల ఆందోళన

తమ భూములను తహసీల్దార్​ ఖాజాబీ ఇతర వర్గాల వారికి కేటాయించారంటూ చిట్వేలు మండలంలోని ఎస్సీ సంఘ నాయకులు ఆరోపించారు. ఎస్సీ, ఎస్టీలకు చెందిన భూములను తమకు కేటాయించాలని డిమాండ్​ చేశారు. తహసీల్దార్​ను విధుల నుంచి బహిష్కరించాలని పేర్కొన్నారు.

కడప జిల్లా చిట్వేలు మండలం తహసీల్దార్​ కార్యాలయం వద్ద ఎస్సీ సంఘ నాయకులు ఆందోళన చేపట్టారు. మండలంలోని ఎస్సీల భూములను తహసీల్దార్​ ఖాజాబీ ఇతర వర్గాల వారికి ఆన్​లైన్​ చేసి తమకు కాకుండా చేశారంటూ ఆరోపించారు. వెంటనే ప్రభుత్వం జోక్యం చేసుకుని తహసీల్దార్​ ఖాజాబీని విధుల నుంచి తొలగించాలని పేర్కొన్నారు. ఎస్సీలకు చెందిన భూములను తమకే కేటాయించాలని తెలిపారు. లేకపోతే నిరసన కార్యక్రమాలు చేపడతామని హెచ్చరించారు.

ఇదీ చదవండి :