ఆవుల మందను తప్పించబోయి..వ్యక్తి మృతి

చిల్లర దుకాణం నడుపుకుంటూ బతుకున్న వ్యాపారిని ఆవులమంద రూపంలో మృత్యువు పలకరించింది. మందని తప్పించబోయి ద్విచక్ర వాహనం అదుపు తప్పటంతో లక్ష్మీనారాయణ అక్కడికక్కడే మృతి చెందారు.

కడపజిల్లా గోపవరం మండలం పి.పి. కుంట వద్ద జరిగిన రోడ్డు ప్రమాదంలో ఒక వ్యక్తి మృతి చెందాడు. మృతుడు నెల్లూరు జిల్లా ఉదయగిరి మండలం జి.చెరువు పల్లె గ్రామానికి చెందిన లక్ష్మీనారాయణ రాజుగా పోలీసులు గుర్తించారు. చిల్లర దుకాణం నడిపుతున్న రాజు సరుకుల కోసం బద్వేలు పట్టణానికి ద్విచక్ర వాహనంలో బయలుదేరగా.. తీపి గుంట వద్దకు రాగానే ఆవులమంద అడ్డు రావటంతో అదుపు తప్పి కింద పడ్డారు. దీంతో తీవ్ర గాయాల పాలై అక్కడికక్కడే మృతి చెందాడు..లక్ష్మీనారాయణ మృతిపై కుటుంబ సభ్యులు కన్నీరుమున్నీరవుతున్నారు. బద్వేల్ గ్రామీణ పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చూడండి:తీవ్ర మనస్తాపంతో పూజారి ఆత్మహత్యాయత్నం