కడప జిల్లా రైల్వే కోడూరు మండలం బాలపల్లె అటవీ శాఖ పరిధిలో అక్రమంగా తరలిస్తున్న 19 ఎర్రచందనం దుంగలను టాస్క్ఫోర్స్ అధికారులు స్వాధీనం చేసుకున్నారు. ఒక స్మగ్లర్ను అరెస్ట్ చేశారు. దీని గురించి డీఎస్పీ వెంకటయ్య వివరాలు తెలియజేశారు.
'మాకు అందిన సమాచారంతో గురువారం రాత్రి బాలపల్లి రేంజ్లో కూంబింగ్ నిర్వహించాం. నెమళ్లగుట్ట సమీపంలోని మామిడి తోటలో శుక్రవారం తెల్లవారుజామున కొందరు దుంగలను తీసుకెళుతూ కనిపించారు. మేం దాడిచేయగా దుంగలను వదిలేసి పారిపోయారు. సిగమాల శ్రీనివాసులు అనే ఒక స్మగ్లర్ చిక్కాడు. అతను ఒక పాఠశాల బస్సు డ్రైవర్గా పనిచేస్తూ స్మగ్లింగ్కు పాల్పడుతున్నట్లు విచారణలో తేలింది. మొత్తం 19 దుంగలను స్వాధీనం చేసుకున్నాం. పరారీలో ఉన్నవారి కోసం గాలిస్తున్నాం' అని డీఎస్పీ తెలిపారు.
ఇవీ చదవండి..
