ఇంటింటికీ బియ్యం అందించాలని ప్రభుత్వం తెచ్చిన రేషన్ పంపిణీ వాహనాలు కడప జిల్లాలో నిలిచిపోయాయి. సీఎం సొంత జిల్లాలోని జమ్మలమడుగు నియోజకవర్గం ఎర్రగుంట్ల తహసీల్దార్ కార్యాలయం వద్ద ఎండీయూ ఆపరేటర్లు వాటిని వదిలి వెళ్లారు. అతి తక్కువ వేతనానికి హమాలీలు దొరకడం కష్టంగా మారిందని అందువల్ల ఆ పని భారం అంతా తమ మీద పడుతుందని వారు వాపోతున్నారు.
ఆదాయానికి ఖర్చులకు పొంతన లేదు..
నెలకు రూ. 21 వేలు జీతం ఇస్తున్నప్పటికీ.. అందులో ఎక్కువ శాతం బ్యాంక్లో కట్టింగ్లు, హమాలీల చెల్లింపులు, వాహన ఈఎంఐలకే పోతోందని.. దీని వల్ల తమకు ఏమీ మిగలడంలేదని వారు ఆవేదన వ్యక్తం చేస్తున్నారు. గతంలో దీనిపై కలెక్టర్, తహసీల్దార్కు విన్నపం చేసుకున్నప్పటికీ పరిస్థితుల్లో ఎటవంటి మార్పు రాలేదని వారు అంటున్నారు. అధికారుల నుంచి తమ సమస్య పరిష్కారానికి ఎటువంటి స్పందన రాకపోవడం వల్ల భారం మోయలేక ఈ నిర్ణయం తీసుకున్నట్లు తెలిపారు.
ఇవీ చదవండి:
