కడప జిల్లాలో..
కడపలో రాత్రి రెండు గంటల నుంచి తెల్లవారుజామున 5 గంటల వరకు భారీ వర్షం కురిసింది. రోడ్లపై మోకాళ్ల లోతు వరకు వర్షపు నీరు చేరింది. ఆర్టీసీ గ్యారేజ్లోకి నీరు వచ్చింది. కార్మికులు నీటిలోనే విధులు నిర్వహించారు. ఆర్టీసీ బస్టాండ్ రోడ్డు, కోర్టు రోడ్డు, అంబేద్కర్ కూడలి, గురుకుల్ విద్యాపీట్, అప్సర కూడలి, ఎన్జీవో కాలనీ, గంజికుంట కాలనీ, శివానంద పురం, కుమ్మరి కుంట తదితర కాలనీలు జలమయం అయ్యాయి. శివానంద పురంలో రెండు ఇల్లు కూలడంతో ప్రమాదం తప్పింది. లోతట్టుప్రాంతాలన్నీ జలమయం కాగా..స్థానికులు ఇబ్బందులు ఎదుర్కొన్నారు. రాత్రి ఒక్కసారిగా దాదాపు మూడు గంటల పాటు ఏకధాటిగా వర్షానికి కురవడంతో నగరం మొత్తం అతలాకుతలమైంది. మురుగు కాల్వల సక్రమంగా లేకపోవడంతో రోడ్ల పైనే నీరు నిలిచింది. నగరపాలక అధికారులు చర్యలు చేపడుతున్నారు.
మైదుకూరులో..
జిల్లాలోని మైదుకూరు ప్రాంతంలో అర్థరాత్రి నుంచి భారీగా వర్షం కురిసింది. గుడిసెలు వేసుకున్న సుందరయ్యకాలనీ, చెంచుకాలనీలోకి నీరు చేరగా.. వస్తువులన్నీ నీటిలోనే ఉన్నాయి. ధాన్యం, బియ్యం వంటి ఆహార ధాన్యాలు తడిచిపోయాయి. ఈ వానకి రహదారులన్నీ జలమయమయ్యాయి. పురపాలక పరిధిలోని వానధాటికి ఉప్పొంక వాగు పొంగింది. అందులో ఎక్కువ మొక్కలు ఉండటంతో ..నీరంతా పక్కకి వెళ్లింది.
కర్నూలు జిల్లాలో..
కర్నూలు జిల్లాలో పలుచోట్ల వర్షాలు కురిశాయి. కర్నూలు, డోన్, చాగలమర్రి,దోర్నిపాడు, ఓర్వకల్లు,మిడుతూరు, పాణ్యం, ప్యాపిలి, వెలుగోడు మండలాల్లో వర్షం పడింది. రహదారులన్నీ జలమయమయ్యాయి.
ఇదీ చూడండి. missing: నా కొడుకు ఎక్కడో చోటా ప్రాణాలతో ఉండాలి
