RIVER: నదిలో చిక్కుకున్న యువకుడు.. రక్షించిన పోలీసులు

కడప జిల్లా కమలాపురం మండలం పాపాగ్ని నదిలో చిక్కుకున్న యువకుడిని పోలీసులు కాపాడారు. మైన్స్​లో పని చేస్తున్న యువకుడు పని ముగించుకుని తిరిగి వస్తుండగా నదిలో చిక్కుకున్నాడు.

రెండు రోజుల నుండి కురిసిన వర్షానికి కడప జిల్లా కమలాపురం మండలం పొడదుర్థి పాపాగ్ని నది ఉప్పొంగుతోంది. ఆ నది ప్రవాహంలో చిక్కుకున్న యువకుడిని పోలీసులు కాపాడారు. హబీబ్ అనే యువకుడు ఏరు అవతల ప్రక్కన మైన్స్​లో పని చేస్తున్నాడు. మైన్స్​ నుంచి తిరిగి వస్తున్న సమయంలో పాపాగ్ని నది మధ్యలో చిక్కుకున్నాడు. సమాచారం తెలిసిన వెంటనే ఎస్సై మధుసూదన్ రెడ్డి హుటాహుటిన సంఘటనా స్థలానికి చేరుకున్నారు. అగ్నిమాపక సిబ్బంది, రెవెన్యూ సిబ్బంది.. తాడు సాయంతో హబీబ్​ను ఒడ్డుకు చేర్చారు.

క్షేమంగా కాపాడిన సిబ్బందికి గ్రామస్థులు, హబీబ్, అతని కుటుంబ సభ్యులు కృతజ్ఞతలు తెలిపారు. సమయానికి చేరుకొని యువకుని రక్షించడం చాలా సంతోషంగా ఉందని అన్నారు.

ఇదీ చదవండి: