కడప శివారులోని అలంఖాన్పల్లి కూడలి వద్ద వాహనాల తనిఖీలో.. 987 బంగారు ముక్కుపుడకలు పోలీసులు స్వాధీనం చేసుకున్నారు. కార్పొరేషన్, మున్సిపాలిటీ ఎన్నికల దృష్ట్యా పోలీసులు ముమ్మరంగా వాహన తనిఖీలు చేపడుతున్నారు. ఈ క్రమంలో ఓ కారును ఆపి తనిఖీ చేయగా.. అందులో ఎలాంటి రశీదు లేని 987 ముక్కు పుడకలు లభించాయి. రశీదులు లేకపోవటంతో పోలీసులు వాటిని జప్తు చేశారు. ఓటర్లను ప్రలోభ పెట్టేందుకే వీటిని తీసుకెళ్తున్నట్లు విచారణలో తేలింది.
ఈ విషయంపై నయుం, ఆలీ అనే ఇద్దరు వ్యక్తులపై కేసు నమోదు చేసి దర్యాప్తు చేస్తున్నారు. వీరిద్దరిలో ఒకరు ఓ ఉర్దూ ఛానల్లో కెమెరామ్యాన్గా పని చేస్తున్నారు.
ఇదీ చదవండీ.. దారుణం: సోదరికి కట్నం ఎక్కువ ఇస్తున్నారని.. తల్లిని చంపేశాడు
