కడప జిల్లా మైలవరం జలాశయం నుంచి పెన్నా నదికి నీటి విడుదల కొనసాగుతోంది. జలాశయంలో నీటి నిల్వ 6 టీఎంసీలు దాటింది. బుధవారం సాయంత్రం వరకు 30వేల క్యూసెక్కుల నీరు దిగువకు విడుదల చేశారు. రాత్రి నుంచి 17వేల క్యూసెక్కులకు తగ్గించినట్లు జలాశయ ఏఈ గౌతంరెడ్డి తెలిపారు. జమ్మలమడుగు, ప్రొద్దుటూరు ప్రజలను అప్రమత్తం చేశామన్నారు.
మూడు రోజులుగా జిల్లాలో ఓ మోస్తరు నుంచి భారీ వర్షాలు కురుస్తున్నాయి. చిత్రావతి, పెన్నా నదుల నుంచి జలాశయానికి వరద వచ్చి చేరుతోంది. నీటి నిల్వలు గరిష్ఠ స్థాయికి చేరుకోనుండటంతో.. అధికారులు దిగువకు విడుదల చేస్తున్నారు.
ఇదీ చదవండి:
