కడప జిల్లా పులివెందులలోని వేంపల్లెలో రాజీవ్ నగర్కు చెందిన ఓ యువకుడు అనుమానాస్పద స్థితిలో మరణించాడు. రాయచోటి - పులివెందుల బైపాస్ రోడ్డు సమీపంలోని ఎస్ఎస్ఆర్ పెట్రోల్ బంక్ వెనుక.. నాగేంద్ర మృతి చెంది ఉండటాన్ని స్థానికులు గుర్తించి పోలీసులకు సమాచారమిచ్చారు. నాగేంద్ర కనిపించడం లేదంటూ వేంపల్లె పోలీస్ స్టేషన్లో నిన్న కేసు నమోదు కాగా.. 2వ తేదీ నుంచి అతడి జాడ లేదని బంధువులు తెలిపారు.
నాగేంద్ర మృతిపై అనుమానాలు వ్యక్తం చేస్తూ.. పోలీస్ స్టేషన్లో బంధువులు ఫిర్యాదు చేశారు. మృతదేహాన్ని వేంపల్లి ప్రభుత్వ ఆస్పత్రికి పోలీసులు తరలించారు. పోస్టుమార్టం అనంతరం మృతికి కారణాలను వెల్లడిస్తామని.. ఎస్సై తిరుపాల్ నాయక్ మీడియాకు తెలిపారు.
ఇదీ చదవండి:
