2 రోజుల్లోనే సరకు ఖాళీ.. కనిపించని జనం

రెండు రోజుల్లోనే మద్యం దుకాణాలు ఖాళీ అయ్యాయి. ఈనెల 4న ప్రభుత్వం మద్యం అమ్మకాలకు అనుమతి ఇచ్చింది. దీంతో తొలి 2 రోజులు భారీగా మద్యం ప్రియులు దుకాణాల ముందు బారులు తీరి కొనుగోలు చేశారు. దాంతో షాపుల్లో సరకు ఖాళీ అయ్యింది.

కడప జిల్లా రాజంపేటలో చాలా ప్రాంతాల్లో మద్యం దుకాణాలు ఖాళీగా దర్శనమిస్తున్నాయి. నిన్నటివరకూ బారులు తీరిన జనం నేడు పలుచబడ్డారు. దుకాణాల్లో సరకు అయిపోవడమే ఇందుకు కారణం. మొదటి 2 రోజులు జనం భారీగా వచ్చి మద్యం కొనుగోలు చేయటంతో దాదాపు షాపులన్నీ ఖాళీ అయ్యాయి. ఒకటి రెండు తక్కువ రకం బ్రాండ్లు తప్ప మిగతావి లేకపోవటంతో జనం కనిపించడం లేదు.

ఇవీ చదవండి... 'పాల క్యాన్‌తో కనిపిస్తే కొడుతున్నారు'