పట్టుమని పదేళ్లు లేవు.. ధర్నా చేస్తూ రోడ్డెక్కారు పాపం!

ఆటలాడుకోవాల్సిన వయసులో.. న్యాయం కావాలంటూ రోడ్డెక్కారు. హాయిగా పాటలు పాడుకోవాల్సిన గొంతుతో నినాదాలు చేశారు. మైదానంలో బ్యాట్​ పట్టుకోవాల్సిన చిట్టి చేతులతో.. బ్యానర్లు పట్టుకుని ఆందోళన చేశారు. వీరంతా ఎవరో కాదు పట్టుమని పదేళ్లు నిండని.. కడప జిల్లా చిన్నారులు. అసలేం జరిగిందంటే..!

అన్యాయం జరిగితే పెద్దలే కాదు.. చిన్నారులూ రోడ్డెక్కి ఆందోళన చేస్తారు అనడానికి ఉదాహరణే ఈ ఘటన. కడప వైఎస్సార్​ క్రీడా పాఠశాలలో తమకు అన్యాయం జరిగిందని నాలుగో తరగతి విద్యార్థులు ధర్నా చేపట్టారు. అర్హులైన తమను కాదని 5, 6 తరగతుల విద్యార్థులకు సీట్లిచ్చారని ఆరోపిస్తూ నినాదాలు చేశారు. స్పోర్ట్స్​ స్కూల్​ అధికారి డీఎస్డీవోపై విచారణ చేయించి.. తమకు న్యాయం జరిగేలా చూడాలని గోముగా వేడుకున్నారు. చిన్నారుల నిరసన తీరు చూపరులను ఆలోచింపజేసింది. ఇప్పటికైనా అధికారులు స్పందించాలని స్థానికులు డిమాండ్​ చేస్తున్నారు.

ఇవీ చదవండి

ఔరా: 18 ఏళ్లు నిండనే లేదు అయినా ఓట్లేశారు..!