కొవిడ్ కేర్ సెంటర్లో మెరుగైన సేవలు అందించాలని కడప జిల్లా కలెక్టర్ సి.హరికిరణ్ సంబంధిత అధికారులను ఆదేశించారు. కడపలోని చెన్నూరు రోడ్డులో ఉన్న గ్లోబల్ ఇంజనీరింగ్ కాలేజీని బుధవారం ఆయన ఆకస్మికంగా తనిఖీ చేశారు. కళాశాలను కొవిడ్ కేర్ సెంటర్గా ఉపయోగించుకునేందుకు అనువుగా తీర్చిదిద్దాలన్నారు. గదుల మరమ్మతులను వేగంగా పూర్తి చేయాలని అధికారులను కలెక్టర్ ఆదేశించారు. ఫాతిమా కాలేజ్ నుంచి గ్లోబల్ కాలేజ్ వరకు వెంటనే రోడ్డును నిర్మించాలని నగరపాలక సంస్థ కమిషనర్ను ఆదేశించారు. ఒక అంబులెన్స్ను 24 గంటలూ అందుబాటులో ఉంచుకోవాలని చెప్పారు.
వైద్యులు, నర్సులు 24 గంటల పాటు రొటేషన్ పద్దతిలో కొవిడ్ కేర్ సెంటర్లో అందుబాటులో ఉండాలని కలెక్టర్ ఆదేశించారు. హోం క్వారంటైన్కు వెళ్లే వారికి ఎలాంటి పద్ధతులు పాటించాలన్న అంశంపై కౌన్సెలింగ్ ఇప్పించాలని సూచించారు. ఆరోగ్య సేతు, పోలీస్ యాప్ను తప్పని సరిగా ప్రతి ఒక్కరూ వినియోగించాలని చెప్పారు.
ఇదీ చదవండి
