Jagananna Colony as a Pond: వైఎస్సార్ జిల్లా కమలాపురం నియోజకవర్గంలోని చెన్నూరు మండలంలో జగనన్న కాలనీ చెరువును తలపిస్తోంది. మండల పరిధిలోని కనపర్తి గ్రామంలో జగనన్న కాలనీలో ప్రభుత్వం 1050 మందికి ఇళ్ల స్థలాలను మంజూరు చేసింది. లోతట్టు ప్రాంతం కావడంతో లబ్ధిదారులు నిర్మాణాలను చేపట్టేందుకు ముందుకు రాలేదు. విధి లేక పాలకులు ఇళ్ల నిర్మాణ పనులను గుత్తేదారునికి కట్టబెట్టారు. ప్రభుత్వ వాటా రూ. లక్షా ఏబై వేలు... లబ్ధిదారుని వాటా రూ.35 వేలు. ఉపాధి హామీ రూ.30 వేలు కలిపి మొత్తం రూ.2 లక్షల 15 వేలు ఖర్చు చేస్తున్నారు. ఇప్పటికే కోట్లాది రూపాయల నిధులను గుత్తేదారునికి చెల్లింపు చేశారు. గత రెండు రోజుల నుంచి కురిసిన వర్షాలకు లేఅవుట్ లోని నిర్మాణాలు చెరువులను తలపిస్తున్నాయి. దీంతో ప్రభుత్వంపై లబ్ధిదారులు ఆగ్రహం వ్యక్తం చేస్తున్నారు.
ఇవీ చదవండి:
