IT Searches Continued at Shirdisai Electricals Company: రాష్ట్ర ముఖ్యమంత్రి వైఎస్ జగన్ మోహన్ రెడ్డి సన్నిహితుడు, షిర్డీసాయి ఎలక్ట్రికల్స్ అధినేత విశ్వేశ్వరరెడ్డి కంపెనీలో ఆదాయ పన్ను శాఖ అధికారులు 2వ రోజు కూడా దాడులు చేపట్టారు. సోమవారం ఉదయం హైదరాబాద్‌ నుంచి వచ్చిన ఐటీ అధికారులు కేంద్ర (సీఆర్పీఎఫ్) బలగాల రక్షణలో ఆరోజు రాత్రి వరకు తనిఖీలు చేశారు. తిరిగి మంగళవారం ఉదయం కూడా సోదాలు కొనసాగించారు. ప్రధానంగా కడప నగరంలోని ద్వారకానగర్‌లో విశ్వేశ్వరరెడ్డి బంధువుల ఇళ్లలో, ఓ ప్రైవేటు ఆసుపత్రిలో సోదాలు నిర్వహించి, పలు రికార్డులను అధికారులను స్వాధీనం చేసుకున్నారు.
2 Day IT Raids at Shirdi Sai Company: సీఎం జగన్‌కు సన్నిహిత కంపెనీగా పేరుపడిన షిర్డీసాయి ఎలక్ట్రికల్స్‌లో వరుసగా 2 రోజుల పాటు ఆదాయ పన్ను శాఖ అధికారులు దాడులు చేశారు. కడప శివారులోని పారిశ్రామికవాడలో ఏకకాలంలో 3 చోట్ల సోదాలు నిర్వహించారు. పలు రికార్డులను అధికారులు స్వాధీనం చేసుకున్నట్లు తెలిసింది. ప్రభుత్వ ప్రోత్సాహంతో అనతి కాలంలోనే షిర్టీసాయి సంస్థ ఆర్థికంగా ఎదిగింది. ఈ నేపథ్యంలో ఆదాయ పన్ను శాఖ రెండు రోజులుగా తనిఖీలు చేపట్టడం రాష్ట్ర వ్యాప్తంగా చర్చనీయాంశంగా మారింది.
దేవినేని అవినాష్‌ ఇంట్లో ఐటీ సోదాలు.. వైసీపీలో కలకలం
IT Searches Among CRPF Forces: వైసీపీ హయాంలో భారీగా లబ్ధి పొందినట్లు అనేక ఆరోపణలు ఎదుర్కొంటున్న షిర్టీసాయి ఎలక్ట్రికల్స్ కంపెనీ ప్రధాన కార్యాలయం, కర్మాగారంలో ఆదాయ పన్ను శాఖ అధికారులు వరుసగా రెండు రోజుల పాటు తనిఖీలు నిర్వహించారు. తెలంగాణ నుంచి రెండు బస్సులు, ఇన్నోవా వాహనాల్లో వచ్చిన 50 మంది అధికారులు బృందాలుగా విడిపోయి, కడపలో సోదాలు నిర్వహించారు. షిర్టీసాయి ఎలక్ట్రికల్స్ కంపెనీ కార్యాలయంలో సీఆర్పీఎఫ్ బలగాల బందోబస్తు మధ్య ఐటీ అధికారులు దాడులు చేశారు. పలు రికార్డులను పరిశీలించారు. ఇదే సమయంలో కడప ద్వారకానగర్‌లో కంపెనీ యజమాని విశ్వేశ్వర్‌రెడ్డి సోదరుడైన చిన్న పిల్లల వైద్యుడు కరుణాకర్ రెడ్డి ఆసుపత్రి, ఇంట్లోనూ సోదాలు జరిపారు. కడప కో-ఆపరేటివ్ కాలనీలోని కీర్తి రెసిడెన్సీలోని బంధువుల ఇళ్లలోనూ తనిఖీలు చేశారు.
