కడప జిల్లాలో కోవిడ్ రోగుల కోసం రిమ్స్లో అధునాతన సౌకర్యాలతో ఏర్పాటు చేసిన 10 పడకల ఇంటెన్సివ్ కేర్ యూనిట్ను గురువారం ప్రభుత్వం చీఫ్ విప్ శ్రీకాంత్ రెడ్డి, ఎంపీ అవినాశ్ రెడ్డి, కలెక్టర్ హరికిరణ్ ప్రారంభించారు. రిమ్స్లో రెగ్యులర్ కొవిడ్, నాన్ కోవిడ్ వింగ్ పేషంట్లకు 300 పడకలు కేటాయించారని, వాటికి అదనంగా ఈ స్టెప్ అప్ ఐసీయూ యూనిట్ను ఏర్పాటు చేసినట్లు కలెక్టర్ తెలిపారు. ఇందులో అటాచ్డ్ బాత్ రూమ్, ఏసీ, అధునాతన వెంటిలేటర్ సౌకర్యం ఉందని, 20 రోజుల రికార్డు సమయంలో ఈ స్టెప్ అప్ ఐసీయూ యూనిట్ను జిల్లా యంత్రాంగం ఏర్పాటు చేసిందన్నారు.
ఐసీయులో ఏదైనా కేసు సీరియస్ అయితే వెంటిలేటర్ కలిగిన ఈ స్టెప్ అప్ ఐసీయూకి తరలించి చికిత్స అందిస్తారన్నారు. స్టేట్ కొవిడ్ ఆసుపత్రి, జిల్లా కొవిడ్ ఆసుపత్రి మధ్యలో ఈ ఐసీయూ వారధిగా ఉపయోగపడుతుందన్నారు. కరోనా కేసుల విషయంలో 99 శాతం ప్రభుత్వమే భారం మోస్తోందని.. ప్రొద్దుటూరు, పులివెందులలో ఆసుపత్రులు సిద్ధం అయ్యాయని తెలిపారు. 4 దశలలో కొవిడ్ పేషంట్లకు జిల్లాలో చికిత్స అందిస్తున్నారని ఎంపీ అవినాశ్ రెడ్డి అన్నారు. ఎలాంటి లక్షణాలు లేని వారిని హోమ్ ఐసోలేషన్కు ప్రభుత్వం అనుమతించిందని, వారికి తగిన విధంగా సూచనలు, సలహాలు ఇచ్చి పర్యవేక్షణ చేయడం జరుగుతోందన్నారు.
ఇవీ చదవండి..
