కడపలో వర్షం రైతుల్లో హర్షం

కడప జిల్లా బద్వేలులో భారీగా కురుస్తున్న వర్షాలకు లోతట్టు ప్రాంతాలన్నీ జలమయమయ్యాయి.

కడప జిల్లా బద్వేలులో తెల్లవారుజాము నుంచి ఎడతెరిపి లేకుండా కురుస్తున్న వర్షాలకు లోతట్టు ప్రాంతాలు వరద నీటిలో మునిగిపోయాయి. భారీగా కురుస్తున్న వర్షానికి ఆర్టీసీ గ్యారేజీ జలమయమయ్యింది. నెల రోజుల నుంచి వర్షం కురుస్తుందని ఆశగా ఎదురు చూసిన రైతులకు ఒక్క సారిగా భారీ వర్షాలు పలకరించడంతో ఆనందం వ్యక్తం చేస్తున్నారు. వేసిన పంటలు ఎండిపోతాయనుకున్న రైతాంగంలో ఈ వర్షం ఆశలు చిగురంపజేసింది. ఉదయం నుంచే వర్షం ప్రారంభం కావడంతో కార్యాలయాలకు వెళ్లే ఉద్యోగులు పాఠశాలలకు, కళాశాలలకు వెళ్లే విద్యార్థులు తీవ్ర ఇబ్బందులు పడ్డారు.

ఇదీ చదవండి : పరవళ్లు తొక్కుతున్న కుందూ, పెన్నా నదులు