BJP Leader Aadi Narayana Reddy On CBN Arrest అరెస్టు వ్యవహారంలో అవినాష్​ రెడ్డి, చంద్రబాబుల మద్య ఎంతో తేడా ఉంది: మాజీ మంత్రి ఆదినారాయణ రెడ్డి

EX minister Aadi Narayana Reddy Reacted On CBN Arrest: వివేకా హత్య కేసులో నిందితుడిగా ఉన్న కడప ఎంపీ అవినాష్​ రెడ్డిని అరెస్టు చేయకుండా ఆపి.. ప్రస్తుతం టీడీపీ అధినేత చంద్రబాబును ఎలా అరెస్టు చేస్తారని బీజేపీ నేత ఆదినారాయణ రెడ్డి ప్రశ్నించారు. అంతేకాకుండా చంద్రబాబు అరెస్టుపై ఎమ్మెల్యే నిమ్మల రామానాయుడు నిరసన దీక్ష చేపట్టారు. వ్యవస్థలను సీఎం జగన్​ మేనేజ్​ చేస్తూ చంద్రబాబు బయటకు రాకుండా అడ్డుకుంటున్నారని ఆరోపించారు.

EX minister Aadi Narayana Reddy Reacted On CBN Arrest: వైసీపీ ఎంపీని అరెస్టు చేయకుండా ఆపారని.. మరీ చంద్రబాబు అరెస్టుకు గవర్నర్​ ఆమోదం ఎందుకు తీసుకోలేదని బీజేపీ నేత, మాజీ మంత్రి ఆదినారాయణ రెడ్డి ప్రశ్నించారు. చంద్రబాబు అరెస్టుపై రాష్ట్రంలోని పలు రాజకీయ పార్టీల నేతలు మండిపడుతున్నారు. టీడీపీ నేత నిమ్మల కూడా చంద్రబాబు అరెస్టుపై మండిపడ్డారు.

చంద్రబాబు అరెస్టుపై మాజీ మంత్రి ఆదినారాయణ: కడప ఎంపీ అవినాష్​ రెడ్డిని సీబీఐ అరెస్టు చేయడానికి వెళ్తే ఆపారని.. మరీ గవర్నర్​ ఆమోదం లేకుండా చంద్రబాబును ఎలా అరెస్టు చేస్తారని మండిపడ్డారు. కడప జిల్లా ప్రొద్దుటూరులో నిర్వహించిన మీడియా సమావేశంలో ఆయన మాట్లాడారు. రాష్ట్రం నష్ట పోవడానికి కారణం సీఎం జగన్​మోహన్​ రెడ్డే అని విమర్శించారు.

"చంద్రబాబు అరెస్టు వల్ల ఈ రాష్ట్రానికి చంద్రగ్రహణం పట్టింది. గవర్నర్​ ఆమోదితం ఉండాలి. అరెస్టుకు ముందు నోటీసు ఉండాలి. అర్ధరాత్రి అరెస్టు చేస్తారు. అవినాష్​ రెడ్డిని అరెస్టు చేస్తామని సీబీఐ వస్తే రానివ్వరు. కర్నూలులో పలు బృందాలను పెట్టి అడ్డుకున్నారు. "- ఆది నారాయణ రెడ్డి, మాజీ మంత్రి

రాష్ట్రంలో మద్యపాన నిషేధం లేదని.. మద్యపాన విషాదం జరుగుతోందని వైసీపీ ప్రభుత్వంపై వ్యంగ్యాస్త్రాలు సంధించారు. నాణ్యత లేని మద్యం తాగి చనిపోతున్నారని ఆరోపించారు. రాష్ట్రంలో రోడ్లు ఘోరంగా ఉన్నాయని.. ఏ ఒక్క రోడ్డు పరిస్థితి బాగాలేదని ఆరోపించారు. ప్రొద్దుటూరులో అసాంఘిక కార్యకలాపాలు ఎక్కువయ్యాయని అన్నారు. చంద్రబాబు తప్పు చేశాడని మాట్లాడే ముందు.. సీఎం జగన్ తన తప్పులు తెలుసుకోవాలన్నారు.

చేతికి సంకెళ్లతో ఎమ్మెల్యే నిమ్మల నిరసన: చంద్రబాబు అరెస్టుపై ఎమ్మెల్యే నిమ్మల రామానాయుడు ఆందోళన నిర్వహించారు. పశ్చిమ గోదావరి జిల్లా పాలకొల్లులో రామానాయుడు ఆధ్వర్యంలో.. చంద్రబాబు అరెస్టుకు నిరసనగా చేపట్టిన దీక్షలు 33వ రోజుకు చేరుకున్నాయి. ఈ దీక్షల్లో పాల్గొన్న ఆయన న్యాయానికి సంకెళ్లు అంటూ చేతులకు సంకెళ్లు వేసుకుని నిరనస వ్యక్తం చేశారు.

చంద్రబాబును అరెస్టు చేసి 37రోజులు అయ్యిందని.. కానీ, ప్రభుత్వం ఇప్పటికీ చంద్రబాబుకు, ఆయన కుటుంబసభ్యులకు ఒక్క రూపాయి వచ్చినట్లు రుజువు చేయాలేదని రామానాయుడు అన్నారు. ఏ ఒక్క ఆధారం కూడా ప్రభుత్వం చూపలేకపోయిందన్నారు. వ్యవస్థలను మేనేజ్​ చేస్తూ.. చంద్రబాబును బయటకు రాకుండా అడ్డుపడ్తున్నారని ఆరోపించారు. అందువల్లనే న్యాయానికి సంకెళ్లు అంటూ నిరసన వ్యక్తం చేస్తున్నామని రామానాయుడు వివరించారు.