'సచివాలయాలకు బదలాయించే ప్రక్రియను ఆపేయండి'

తమను సచివాలయాలకు బదలాయించే ప్రక్రియను నిలిపివేయాలని కడప నగరపాలక కార్యాలయం ఎదుట మున్సిపల్ కార్మికులు ధర్నా నిర్వహించారు.

మున్సిపల్ కార్మికులను సచివాలయాలకు బదలాయించే ప్రక్రియను నిలుపుదల చేయాలని ఏఐటీయూసీ జిల్లా అధ్యక్షులు వేణుగోపాల్ కోరారు. కార్మికుల సమస్యలను పరిష్కరించాలని కోరుతూ కడప నగరపాలక కార్యాలయం ఎదుట ధర్నా చేపట్టారు. ప్రభుత్వానికి వ్యతిరేకంగా నినాదాలు చేశారు.

జనాభా ప్రాతిపదికన మున్సిపల్ కార్మికుల నియామకం చేపట్టిన తర్వాతనే సచివాలయానికి బదలాయించాలన్నారు. ప్రభుత్వ విధానాల వల్ల మున్సిపల్ కార్మికులు అవస్థలు పడుతున్నారని ఆరోపించారు. 20 ఏళ్ల నుంచి పని చేస్తున్నప్పటికీ క్రమబద్ధీకరించకపోవడం దారుణమన్నారు. సమస్యలు పరిష్కరించేంత వరకు ఉద్యమాలు కొనసాగిస్తామని హెచ్చరించారు.

ఇదీ చదవండి: