కడప జిల్లా జమ్మలమడుగు నియోజకవర్గంలో కేవలం రెండు గ్రామాల్లోనే కరోనా పాజిటివ్ కేసులు శతకం దాటాయి. ఆ గ్రామాలే మైలవరం మండలంలోని నవాబుపేట, చిన్న కొమ్మెర్ల. శనివారం సాయంత్రం జిల్లా వైద్యాధికారులు ప్రకటించిన జాబితా ప్రకారం... తాజాగా చిన్న కొమ్మెర్ల గ్రామంలో 9 కేసులు, నవాబుపేటలో ఓ కేసు నమోదైంది. వీటితో కలిపి మొత్తం 109 కేసులు ఆ రెండు గ్రామాల్లో నమోదయ్యాయి. ఇందులో నవాబుపేటలో 94, చిన్నకొమ్మెర్ల గ్రామంలో 15 కేసులు ఉన్నాయి. వైద్య, పోలీసు అధికారులు ఎప్పటికప్పుడు చర్యలు తీసుకుంటున్నా.. వైరస్ కట్టడి కాకపోవడం లేదు. స్థానిక ప్రజలు ఆందోళన చెందుతున్నారు.
ఇదీ చదవండి
జిల్లాలో పెరుగుతున్న కంటైన్మెంట్ జోన్లు... అప్రమత్తమైన అధికారులు
