అట్టహాసంగా చెంగల్రాయుడు నామినేషన్

రాజంపేట నియోజకవర్గ తెదేపా అభ్యర్థి చెంగల్రాయుడు గురువారం నామినేషన్ దాఖలు చేశారు. వేలాది కార్యకర్తలతో ర్యాలీగా వెళ్లి నామపత్రాలు సమర్పించారు.

కడప జిల్లా రాజంపేట శాసనసభ నియోజకవర్గతెలుగుదేశం పార్టీ అభ్యర్థి బత్యాల చెంగల్రాయుడు గురువారం అట్టహాసంగా నామినేషన్ దాఖలు చేశారు. రాజంపేట పట్టణం మన్నూరు శివారులోని ఉదయగిరి ఎల్లమ్మ ఆలయంలో అమ్మవారికి ప్రత్యేక పూజలు చేసిన అనంతరం..నామినేషన్​కుబయల్దేరారు. ఎద్దుల బండిలో కొద్ది దూరం ర్యాలీ చేశారు. తర్వాతప్రత్యేకంగా తయారు చేయించిన ప్రచార రథంలోకి మారారు. రాజంపేట నియోజకవర్గంలోని 6 మండలాల నుంచి తెదేపా నాయకులు, కార్యకర్తలు వేలాదిగా తరలివచ్చారు. పార్టీ జెండాలతో రాజంపేట పట్టణం పసుపుమయమైంది. అందరితో కలిసిభారీ ర్యాలీగా వెళ్లిన చెంగల్రాయుడు.. ఒకసెట్టు నామినేషన్‌ దాఖలు చేశారు. భద్రతకు ఇబ్బంది కలగకుండా డీఎస్పీ మురళీధరన్ ఆధ్వర్యంలో భారీబందోబస్తు ఏర్పాటు చేశారు.