పన్ను చెల్లించలేదని బీఎస్ఎన్ఎల్ కార్యాలయం సీజ్

కడప జిల్లా ప్రొద్దుటూరులో పన్ను చెల్లించని కారణంగా బీఎస్ఎన్ఎల్ కార్యాలయాన్ని పురపాలకశాఖ అధికారులు సీజ్ చేశారు. 2004 నుంచి బకాయిలు చెల్లించని కారణంగా.. కార్యాలయానికి జప్తు చేసి తాళం వేశారు.

కడప జిల్లా ప్రొద్దుటూరులో ఆస్తి పన్ను బకాయిలు చెల్లించని కారణంగా... బీఎస్ఎన్ఎల్ భవనాన్ని పురపాలక అధికారులు జప్తు చేశారు. 2004 నుంచి పన్నులు చెల్లించలేదని నోటీసులు ఇచ్చినా స్పందించలేదన్నారు. ఇప్పటివరకు 64 లక్షల రూపాయలకు పైగా బకాయిలు చెల్లించాల్సి ఉందన్నారు. ఈ దఫా వడ్డీ మాఫీతో కలిపి 30 లక్షలు చెల్లిస్తే సరిపోతుందని చెప్పినా... స్పందన కరువైందని వివరించారు. ఈ కారణంగానే.. జప్తు చేయాల్సి వచ్చిందనిఅధికారులు స్పష్టం చేశారు. మరో వైపు తమతో పురపాలక అధికారాలు అసభ్యకరంగా ప్రవర్తించారంటూ...కార్యాలయం ఎదుట బీఎస్ఎన్ఎల్ ఉద్యోగులు నిరసనకు దిగారు.

ఇదీ చదవండి