'ఆగిపోయే ప్రాణాన్ని కాపాడేది రక్తదానమే'

కడప జిల్లా కమలాపురంలో మదర్​ థెరిస్సా చారిట్రబుల్ ట్రస్ట్ ఛైర్మెన్.. కలెక్టర్​ చేతులు మీదుగా ప్రశంస పత్రం అందుకున్నారు. రక్తదానం చేయండి.. చేయించండి అనే పిలుపుతోపాటు ట్రస్ట్ ద్వారా అనేక సేవ కార్యక్రమాల్లో పాల్గొన్న ఆయన్ను కలెక్టర్​ అభినందించారు.

కడప జిల్లా కమలపురానికి చెందిన మదర్ థెరిస్సా చారిటబుల్ ట్రస్ట్ ఛైర్మన్​ విజయ్​ కుమార్ కలెక్టర్​ చేతుల మీదుగా ప్రశంస పత్రం అందుకున్నారు. ట్రస్టు ద్వారా 2005 నుంచి రక్తదానం కార్యక్రమానికి శ్రీకారం చుట్టామని సంస్థ ఛైర్మన్​​ తెలిపారు. రక్తదానం చేయటం వల్ల మన ఆరోగ్యం కూడా బాగుపడుతుందన్నారు. ఆరిపోయే దీపాన్ని వెలిగించేది చమురు ఐతే, ఆగిపోయే ప్రాణాన్ని కాపాడేది రక్తదానమని అన్నారు. సంస్థ ద్వారా రక్తదానమే కాకుండా అనేక సేవ కార్యక్రమాల్లో పాల్గొన్నట్లు తెలిపారు.