ప్రొద్దుటూరులో మరో క్వారంటైన్ కేంద్రం

కడప జిల్లాలో రోజురోజుకూ కరోనా పాజిటివ్ కేసుల సంఖ్య పెరిగిపోతున్నాయి. దీంతో పాటు అనుమానితుల సంఖ్య కూడా పెరుగుతుండటం ఆందోళన కలిగిస్తోంది. అనుమానితులను గుర్తించి, వారిని క్వారంటైన్ కేంద్రాల్లో ఉంచుతున్నారు. అయితే అనుమానితుల సంఖ్య పెరుగుతుండటంతో అప్రమత్తమైన అధికారులు ప్రొద్దుటూరులో మరో కేంద్రాన్ని ఏర్పాటుచేశారు.

కడప జిల్లా ప్రొద్దుటూరులో మరో క్వారంటైన్ కేంద్రాన్ని అధికారులు ఏర్పాటు చేశారు. గతంలో పశు వైద్య కళాశాలలో ఏర్పాటుచేసిన ఈ కేంద్రంలో గత నెల 28న 14 మంది చేరగా ప్రస్తుతం ఆ సంఖ్య 101కి చేరింది. 68 మంది ప్రొద్దుటూరుకు చెందిన వారు కాగా.. మరో 33 మంది జమ్మలమడుగు, మైలవరం ప్రాంతాలకు చెందిన వ్యక్తులు ఉన్నారు. క్వారంటైన్ కేంద్రాల్లో చేరే వారి సంఖ్య పెరుగుతున్న నేపథ్యంలో అధికారులు ఈ కేంద్రాన్ని ఏర్పాటు చేశారరు.

ఇదీ చదవండి.