ఆ మండలాల్లో మహిళా ఓటర్లే అధికం

పశ్చిమ గోదావరి జిల్లా కొవ్వూరులో రెండో దశ పంచాయతీ ఎన్నికలు జరగనున్నాయి. తణుకు, నిడదవోలులోని అన్ని మండలాల్లో జరిగే ఎన్నికల్లో మహిళా ఓటర్లే అధికంగా ఉన్నారు.

రెండోదశ పంచాయతీ ఎన్నికల్లో.. మహిళా ఓటర్లు తమ ప్రభావం చూపనున్నారు. పశ్చిమగోదావరి జిల్లా కొవ్వూరు డివిజన్​లో రెండో దశ ఎన్నికలు జరగనుండగా.. తణుకు, నిడదవోలు అసెంబ్లీ నియోజకవర్గాల పరిధిలో అన్ని మండలాల్లో మహిళా ఓటర్లే అధికంగా ఉన్నారు.

రెండో దశ పంచాయతీ ఎన్నికల్లో.. తణుకు నియోజకవర్గంలో.. తణుకు, అత్తిలి, ఇరగవరం మండలాలు ఉన్నాయి. తణుకు మండలంలో 1,111మంది, అత్తిలిలో 754, ఇరగవరంలో 611 మంది మహిళా ఓటర్లు అధికంగా ఉన్నారు. నిడదవోలు మండలంలో 528 మంది, పెరవలిలో 57 మంది, ఉండ్రాజవరం మండలంలో 1096 మంది మహిళా ఓటర్లు ఉన్నారు.

పంచాయతీ ఎన్నికల్లో.. తణుకు నిడదవోలు నియోజకవర్గం పరిధిలోని 6 మండలాల్లో ఓటర్ల వివరాలు:

మండలం	పురుషులు	మహిళలు	ఇతరులు	మొత్తం
నిడదవోలు	27586	28114	4	55704
పెరవలి	27649	27706	0	55357
ఉండ్రాజవరం	28841	29937	3	58781
తణుకు	23967	25078	0	49045
అత్తిలి	27485	28239	4	55728
ఇరగవరం	26318	26929	1	53248

నామినేషన్ల ఉపసంహరణ తరువాత.. సర్పంచి, వార్డు సభ్యుల పదవులకు పోటీ చేసే వారి సంఖ్య స్పష్టమైంది. నియోజవర్గంలో 56 పంచాయతీలకు.. 5 సర్పంచి పదవులు ఏకగ్రీవం కాగా మిగిలిన 51 పంచాయతీల్లో 135 మంది అభ్యర్థులు బరిలో నిలిచారు.

తణుకు నియోజవర్గంలో 48 పంచాయతీలు ఉండగా.. నాలుగు పంచాయతీలు ఏకగ్రీవం కావడంతో మిగిలిన 44 పంచాయతీలకు ఎన్నికలు జరగనున్నాయి. 114 మంది అభ్యర్థులు సర్పంచి బరిలో నిలిచారు. వీళ్లలో సగం మంది మహిళలు కావడం, వీళ్లకి అధికంగా ఉన్న మహిళా ఓటర్లు ఏ విధమైన తీర్పు ఇవ్వనున్నారో వేచి చూడాల్సిందే.

ఇదీ చదవండి: