పశ్చిమగోదావరి జిల్లా దెందులూరు మండలం సోమవరప్పాడులో విజిలెన్స్ అండ్ ఎన్ఫోర్స్మెంట్ అధికారులు ఓ రైస్మిల్ లో తనిఖీలు నిర్వహించారు. ఈ తనిఖీల్లో అక్రమంగా నిల్వ ఉంచిన రేషన్ బియ్యాన్ని పట్టుకున్నారు. పక్కా సమాచారం మేరకు విజిలెన్స్ అధికారులు, తహసీల్దార్ రవికుమార్.. శ్రీలక్ష్మీ హనుమాన్ రైస్మిల్ లో తనిఖీలు చేపట్టారు.
ఈ తనిఖీల్లో.. అక్రమంగా నిల్వ ఉంచిన 27.5 టన్నుల రేషన్ బియ్యం స్వాధీనం చేసుకున్నారు. పట్టుబడిన బియ్యాన్నిసివిల్ సప్లై అధికారులకు అప్పగించారు. గతంలోనూ.. ఇదే రైస్ మిల్లో రేషన్ బియ్యాన్ని దెందులూరు పోలీసులు పట్టుకున్నారు. రేషన్ బియ్యాన్ని ఇక్కడ నిల్వ చేసి, ఇతర ప్రాంతాలకు తరలిస్తున్నట్లు సమాచారం. ఈ మిల్ నుంచి కాకినాడ పోర్ట్ కు తరలించి, అక్కడి నుంచి ఇతర ప్రాంతాలకు చేరవేస్తున్నట్లు ఆరోపణలు వినిపిస్తున్నాయి.
ఇదీ చదవండి:
