పశ్చిమ గోదావరి జిల్లా గోపాలపురం మండలం దొండపాడులో దారుణం చోటుచేసుకొంది. ఓ వ్యక్తి కుటుంబ కలహాలతో భార్య, అత్తలపై కత్తితో దాడి చంపాడు. దాడిని అడ్డుకోడానికి ప్రయత్నించిన బావమరిదిని తీవ్రంగా గాయపరిచాడు. దొండపాడుకు చెందిన కాంతారావు, ఆయన భార్య పుష్పలత గత కొంతకాలంగా గొడవలు పడుతున్నారు. ఆ గొడవలు తీవ్రరూపం దాల్చి కాంతారావు..శుక్రవారం దాడికి ప్రయత్నించాడు. భార్య పుష్పలత, అత్త లక్ష్మిను కత్తితో నరికి చంపాడు. అడ్డుకోబోయిన బావమరిది పైనా దాడి చేశాడు. ఈ దాడిలో బావమరిది తీవ్రంగా గాయపడ్డాడు. గాయపడ్డ అతడ్ని రాజమహేంద్రవరం ఆస్పత్రికి తరలించారు. కుటుంబ కలహాలే హత్యలకు కారణమని పోలీసులు తెలిపారు.
ఇవీ చదవండి
