రైల్వే ఉద్యోగి దారుణ హత్య

పశ్చిమగోదావరి జిల్లా ప్రత్తిపాడులో ప్రైవేటు ఇంజినీరింగ్​ కళాశాల సమీపంలోని రైల్వే ట్రాక్​ వద్ద రైల్వే ఉద్యోగిని దుండగులు దారుణంగా హతమార్చారు. ఘటనపై పోలీసులు కేసు నమోదు చేసి దర్యాప్తు చేస్తున్నారు.

పశ్చిమగోదావరి జిల్లా ప్రత్తిపాడులోని ప్రైవేటు ఇంజనీరింగ్​ కళాశాల సమీపంలోని రైల్వేట్రాక్​ వద్ద ఓ రైల్వే ఉద్యోగి దారుణ హత్యకు గురయ్యాడు. మృతుడు బిహార్​కు చెందిన సుజిత్​ కుమార్గా పోలీసులు గుర్తించారు. ఇతను రైల్వే టెలికాం శాఖలో పనిచేస్తున్నట్లు తెలిపారు. కళాశాల వెనుక గేట్​ క్యాబిన్​లో ఫోన్​ రిపేరు నిమిత్తం వెళ్లినట్లు తోటి ఉద్యోగులు చెబుతున్నారు. ఉదయం 6 గంటల సమయంలో సుజిత్​ కుమార్ మృతదేహాన్ని చూసిన స్థానికులు పెంటపాడు పోలీసులకు సమాచారం అందించారు. ఘటనా స్థలాన్ని డీఎస్పీ రాజేశ్వరరావు పరిశీలించారు. ఘటనపై కేసు నమోదు చేసి దర్యాప్తు చేస్తున్నారు.

ఇదీ చదవండి: