పశ్చిమ గోదావరి జిల్లా ఏలూరులోని దుకాణాలపై దాడులు నిర్వహించినట్లు విజిలెన్స్ అధికారులు తెలిపారు. నగరంలోని మెయిన్ బజార్, మార్కెట్లో ఉన్న షాపుల్లో తనిఖీలు నిర్వహించినట్లు చెప్పారు. ఈ దాడుల్లో కల్తీల గురించి తెలుసుకునేందుకు శాంపిల్స్ సేకరించామని పేర్కొన్నారు. కొందరు దుకాణాదారులు ఫుడ్ లైసెన్స్ లేకుండానే విక్రయాలు చేస్తున్నట్లు గుర్తించామన్నారు.
వారిపై కేసు నమోదు చేసినట్లు చెప్పారు. అక్రమ నిల్వలు, అధిక ధరలకు విక్రయాలు జరిపినా.. చట్ట ప్రకారం చర్యలు తీసుకుంటామని షాపు యజమానులను హెచ్చరించామని విజిలెన్స్ తహసీల్దార్ పి.రవికుమార్ తెలిపారు. ఈ తనిఖీల్లో అగ్రికల్చర్ ఏవోఎం శ్రీనివాస్ కుమార్, ఫుడ్ ఇన్స్పెక్టర్ అక్కయ్య, ఫుడ్ సేఫ్టీ ఆఫీసర్ ఎస్. రవీంద్ర రెడ్డి, సిబ్బంది పాల్గొన్నారు.
ఇదీ చదవండి:
