పట్టిసీమ... పంటల సీమ

పట్టిసీమ పథకం ఫలితాల్ని ఇస్తోంది. ఈ నీటితో పశ్చిమ గోదావరి జిల్లా దెందులూరు మండలాల పరిధిలోని గ్రామాల చెరువులు.. జలకళ సంతరించుకున్నాయి.

పోలవరం కుడి కాలువ నీరు కొప్పులవారి గూడెం పరిధిలో ఉన్న చెరువులకు చేరుతోంది. అక్కడ నుంచి గంగమ్మ గుడి వద్ద నిర్మించిన చెడ్డ మల్ల చెరువుకు చేరుతుంది. 30 సంవత్సరాలుగా తీరని ఈ కల.. పట్టిసీమ ఎత్తిపోతల పథకం ద్వారా సాకారమయ్యిందని రైతులు హర్షం వ్యక్తం చేస్తున్నారు. కుడి కాలువ నీటి ద్వారా మండలంలోని సాగర్ చెరువు పరిధిలోని సుమారు 5 వేల ఎకరాలు సాగుకు ఉపయోగపడబోతుందని రైతులు వివరించారు. ఉద్యావన పంటలు వేయటానికి ఈ నీరు సాయపడుతుందని రైతులు చెప్పుకొచ్చారు. పట్టిసీమ ఎత్తిపోతల పథకంతో వచ్చే నీటితో.. ఇక సాగు నీటి సమస్య ఉండదని రైతులు ఆశాభావం వ్యక్తం చేశారు.