పోలవరం ప్రాజెక్టు హెడ్ వర్క్స్లో భాగంగా నిర్మించాల్సిన గ్యాప్ 3 కాంక్రీట్ డ్యామ్ నిర్మాణాన్ని మేఘా ఇంజనీరింగ్ లిమిటెడ్ అధికారులు పూర్తి చేశారు. అనంతరం పోలవరం ప్రాజెక్టు సీఈ సుధాకర్ బాబు, ఎస్ఈ నరసింహమూర్తి.. అధికారులు శాస్త్రోక్తంగా పూజలు నిర్వహించారు.
153.5 మీటర్ల పొడవున, 53.320మీటర్ల ఎత్తు అలాగే 8.5 మీటర్ల వెడల్పుతో ఈ గ్యాప్ 3 కాంక్రీట్ డ్యామ్ను నిర్మించారు. స్పిల్ వే నుంచి ఎర్త్ కమ్ రాక్ ఫిల్ డ్యామ్కు అనుసంధానం చేసేందుకు వీలుగా ఈ గ్యాప్ 3 కాంక్రీట్ డ్యామ్ ఉపకరిస్తుంది. ఈ నిర్మాణం కోసం 23 వేల క్యూబిక్ మీటర్ల కాంక్రీట్ను వినియోగించినట్టు మేఘా ఇంజనీరింగ్ లిమిటెడ్ తెలిపింది. అలాగే గ్యాప్ 1, గ్యాప్ 2 డ్యామ్లను కూడా నిర్మించాల్సి ఉంది. ఈ రెండు డ్యామ్లు మట్టి, రాళ్లు, సిమెంటుతో నిర్మించాల్సి ఉంది. అయితే గ్యాప్ 3 డ్యామ్ మాత్రం పూర్తి కాంక్రీట్ డ్యామ్గా నిర్మించాల్సి ఉంది. ప్రస్తుతం నదిలో వరద నీటి ప్రవాహం కారణంగా ప్రధాన నిర్మాణాల్లో అంతరాయం ఏర్పడింది. దీంతో ఈసీఆర్ఎఫ్కు అనుసంధానించే గ్యాప్ 3 నిర్మాణాన్ని ప్రాజెక్టు అధికారులు పూర్తి చేశారు.
ఇదీ చదవండీ.. రన్నింగ్లో ఉండగానే ఊడిపోయిన ఆర్టీసీ బస్సు టైర్..
