Three officials Suspended: పశ్చిమగోదావరి జిల్లా తణుకు మున్సిపల్ కార్పొరేషన్ కమిషనర్, టౌన్ ప్లానింగ్ ఆఫీసర్, టౌన్ ప్లానింగ్ సూపర్వైజర్లను సస్పెండ్ చేస్తూ ప్రభుత్వం ఉత్తర్వులు జారీ చేసింది. టీడీఆర్ బాండ్ల జారీలో నిర్లక్ష్యం వహించినందుకు సస్పెండ్ చేస్తున్నట్లు ఉత్తర్వుల్లో స్పెషల్ చీఫ్ సెక్రటరీ పేర్కొన్నారు. తణుకు మున్సిపాలిటీ పరిధిలో టీడీఆర్ బాండ్లను జారీ చేయడంలో...ప్రభుత్వ విధానాలను పాటించలేదని.. ప్రభుత్వంతో మాస్టర్ ప్లాన్ అనుమతి కూడా పొందలేదని తెలిపారు.
three officials Suspended: బాండ్ల జారీలో పాటించాల్సిన 1:2 నిష్పత్తిలో కాకుండా 1:4 నిష్పత్తిలో బఫర్ జోన్తో సహా మొత్తం భూమి అంతటికీ బాండ్లు జారీ చేసి విధానాలను పక్కన పెట్టారని ఉత్తర్వుల్లో పేర్కొన్నారు. ఈ మేరకు తణుకు మున్సిపల్ కమిషనర్ ఎం.వాసుబాబు, టౌన్ ప్లానింగ్ ఆఫీసర్ ఏ.రామకృష్ణ, టౌన్ ప్లానింగ్ సూపర్వైజర్ ఏఎస్. ప్రసాద్లను సస్పెండ్ చేస్తూ స్పెషల్ చీఫ్ సెక్రటరీ వై.శ్రీలక్ష్మి ఉత్తర్వులు జారీ చేశారు. ఈ ఉత్తర్వులు వెంటనే అమల్లోకి వస్తాయని పేర్కొన్నారు.
ఇదీ చదవండి:
