ఫేస్​బుక్​లో చాటింగ్.. పరిచయమయ్యాక చీటింగ్

ఫేస్​బుక్​లో అమ్మాయిల పేరుతో నకీలు ఖాతాలు తెరిచి చాటింగ్ చేస్తారు. రెచ్చగొట్టి అసభ్య వీడియోలు పంపేలా చేస్తారు. ఆఖరికి బెదిరింపులతో అసలు సినిమా చూపిస్తారు. అడిగినంత డబ్బులివ్వకపోతే వీడియోలు నెట్టింట వైరల్ అవుతాయని వేధిస్తారు. ఇలాంటి పనులు చేసే బృందాన్ని పశ్చిమ గోదావరి జిల్లా పోలీసులు కటకటాల్లోకి నెట్టారు.

ఫేస్​బుక్​లో మోసాలకు పాల్పడుతున్న ముఠాను.. పశ్చిమ గోదావరి జిల్లా పోలీసులు పట్టుకున్నారు. పాలకొల్లుకు చెందిన తన్నీడి నాగరాజు, గుత్తుల మురళీకృష్ణ బాబు.. అనే ఇద్దరు వ్యక్తులను అరెస్ట్ చేశారు. వీరి బారిన పడిన ఓ బాధితుడి దగ్గర... 5 లక్షల 75 వేల రూపాయిల నగదు, ఒక బ్రాండ్​డ్​ వాచ్​ దోచుకున్నట్లు గుర్తించారు. నిందితుల నుంచి 70 వేల నగదు, ఒక ద్విచక్ర వాహనం, సెల్​ఫోన్​ స్వాధీనం చేసుకున్నారు. ఇటువంటి ఘటనలపై యువత అప్రమత్తంగా ఉండాలని మోసపోవద్దని పోలీసులు సూచించారు.

ఇదీ చూడండి: