కదులుతున్న బస్సులోనే ప్రయాణికురాలిపై అత్యాచారానికి ఒడిగట్టిన కేసులోని నిందితుడు డ్రైవర్‌ను కూకట్పల్లి పోలీసులు సోమవారం అరెస్ట్ చేశారు. అమీర్‌పేట పరిధిలోని ఓ ప్రయాణికురాలు(29) ఫిబ్రవరి 23న భీమవరం వెళ్లడానికి ప్రైవేటు స్లీపర్‌కోచ్‌ బస్సెకింది. అర్ధరాత్రి దాటాక దారి మధ్యలో మరో డ్రైవర్ బస్సు నడుపుతున్నాడు సదరు బస్సు డ్రైవర్ ఆమెపై అత్యాచారానికి పాల్పడ్డాడు.
ఉదయం బస్సు దిగే సమయంలో బాధితురాలి పర్సును సైతం లాక్కుని రూ.7 వేలు తీసుకున్నాడు. బాధితురాలు ఫిబ్రవరి 26న నగరానికి వచ్చి పోలీసులకు ఫిర్యాదు చేశారు. కేసు నమోదు చేసుకున్న పోలీసులు.. నిందితుడు రాజేశ్‌ను సోమవారం అరెస్ట్ చేశారు. నిందితుడిది కృష్ణాజిల్లా నక్కవారిపాలేమని పోలీసులు తెలిపారు. ‘వేమూరి కావేరి ట్రావెల్స్‌’ బస్సును సీజ్‌ చేశారు.
ఏం జరిగిందంటే...
హైదరాబాద్లోని కూకట్పల్లి నుంచి ఆంధ్రప్రదేశ్‌లోని సొంత గ్రామానికి వెళ్లేందుకు ఈ నెల 23న ఓ ప్రైవేట్ ట్రావెల్స్‌ బస్సు ఎక్కినట్లు బాధితురాలు తెలిపింది. బస్సులో లగేజీ మాత్రమే తరలించి.. రైలు ఎక్కాల్సి ఉన్నా బస్సులో సీటు కేటాయిస్తామని డ్రైవర్ రాజేష్ ఇచ్చిన హామీతో బస్సు ఎక్కినట్లు పేర్కొంది. రూ.3 వేలు తీసుకుని చివరి స్లీపర్ బెర్త్ కేటాయించిన డ్రైవర్.....అర్థరాత్రి ఆమె వద్దకు వెళ్లి కత్తితో బెదిరించి అత్యాచారానికి పాల్పడ్డాడని బాధితురాలు తెలిపింది. నిందితుడు రాజేష్ పై కఠినమైన చర్యలు తీసుకోవాలని బాధితురాలు డిమాండ్‌ చేసింది.
ఇదీ చదవండి : Driver rapes woman: కదులుతున్న బస్సులో మహిళపై డ్రైవర్ అత్యాచారం
