డిమాండ్లు వెంటనే పరిష్కరించాలి.. గరగపర్రు దళితుల ఆందోళన

Garagaparru Dalit Chalo Collectorate: పశ్చిమగోదావరి జిల్లా భీమవరంలో దళితులు చలో కలెక్టరేట్​ చేపట్టారు. పాలకొడేరు మండలం గరగపర్రులో దళితులకు ఇచ్చిన ఐదు డిమాండ్లను వెంటనే పరిష్కరించాలని డిమాండ్ చేశారు.

Dalit leaders agitation at bhimavaram: పశ్చిమగోదావరి జిల్లా పాలకొడేరు మండలం గరగపర్రులో దళితులకు ఇచ్చిన ఐదు డిమాండ్లను వెంటనే పరిష్కరించాలని దళిత నాయకులు డిమాండ్ చేశారు. చలో కలెక్టరేట్​ చేపట్టిన దళితులు.. భీమవరంలో కలెక్టరేట్ వరకూ ర్యాలీ తీశారు. గరగపర్రులో అంబేడ్కర్​ విగ్రహం ఏర్పాటు వివాదం ఏర్పడి 5ఏళ్లు గడిచినా.. సమస్యను పరిష్కరించడంలేదని మండిపడ్డారు.

కలెక్టర్​కు వినతిపత్రం అందజేస్తున్న దళిత నాయకులు

అంబేడ్కర్​ విగ్రహం ఏర్పాటు, కమ్యూనిటీ హాల్ నిర్మాణం వెంటనే చేపట్టాలని దళిత నాయకులు కోరారు. అధికారులు స్పందించి వెంటనే సమస్యలను పరిష్కరించాలని.. లేనిపక్షంలో కలెక్టరేట్​ను మట్టడిస్తామని హెచ్చరించారు. కలెక్టరేట్​ వరకు ర్యాలీగా వెళ్లిన నాయకులు.. కలెక్టర్​ను కలిశారు. తమ డిమాండ్లను వెంటనే పరిష్కరించాలని కోరుతూ వినతిపత్రం అందజేశారు. ఈ క్రమంలో ఎలాంటి అవాంఛనీయ ఘటనలు చోటు చేసుకోకుండా పోలీసులు పటిష్ట బందోబస్తు ఏర్పాటు చేశారు.

ఇదీ చదవండి: