ఎన్నికల సిత్రాలు.. జిమ్​లో సీపీఐ నేత నారాయణ వర్కౌట్స్

ఎన్నికల ప్రచారం కోసం పశ్చిమ గోదావరి జిల్లా భీమవరం వచ్చిన సీపీఐ నేత నారాయణ.. ఉదయాన్నే ఓ ప్రైవేటు క్లబ్బులోని జిమ్ములో కసరత్తులు చేశారు. ఎక్సర్​సైజులు చేస్తూ.. అక్కడ ఉన్న యువతను ఉత్తేజపరిచారు.

సీపీఐ జాతీయ కార్యదర్శి నారాయణ జిమ్​లో చేసిన వర్కౌట్స్ చూసి యువత ఔరా అని ఆశ్చర్యంగా చూశారు. పశ్చిమ గోదావరి జిల్లా భీమవరంలోని ఎన్నికల ప్రచారంలో భాగంగా.. కాస్మోపాలిటన్ క్లబ్బులో నారాయణ బస చేశారు. ఉదయాన్నే లేచిన నారాయణ.. క్లబ్బులో ఉన్న జిమ్​కు వెళ్లి బాడీ వర్కౌట్స్ చేశారు. నారాయణ చేసిన వర్కౌట్స్​ను అక్కడున్న యువత ఆసక్తిగా గమనించారు. ఆరోగ్యమే మహా భాగ్యమని ఈ సందర్భంగా నారాయణ అన్నారు.

ఇదీ చదవండి: జెస్ట్ జోక్ చేశా.. ఆ గుర్తుకు ఓటేయ్యమని !