అదుపు తప్పిన ఆర్టీసీ బస్సు..ఒకరికి తీవ్రగాయాలు

పశ్చిమగోదావరి జిల్లా టీ నర్సాపురం మండలం గండిగూడెం గ్రామంలో ఆర్టీసీ బస్సు అదుపు తప్పి పంట కాలువలోకి దూసుకెళ్లింది.

పశ్చిమగోదావరి జిల్లా గండిగూడెం గ్రామంలో ఆర్టీసీ బస్సు అదుపు తప్పింది. గత 3రోజులుగా కురుస్తున్న వర్షాలకు గ్రామీణ ప్రాంత రహదారులు మొత్తం అధ్వానంగా మారాయి. ఆ గ్రామానికి వెళ్లాలంటే ప్రజలు తీవ్ర ఇబ్బందులు పడుతున్నారు. ఉదయం ఏలూరు డిపోకు చెందిన ఆర్టీసీ బస్సు చింతలపూడి నుంచి గండిగూడెం మీదుగా ఏలూరు వెళుతోంది. ఈ క్రమంలో గండిగూడెం గ్రామ శివారులో రహదారి ఇరుకుగా ఉండటంతో ఎదురుగా వస్తున్న ద్విచక్ర వాహనాన్ని తప్పించబోయి బస్సు అదుపు తప్పి.. పంట కాలువలోకి దూసుకెళ్లినట్లు ప్రయాణికులు చెబుతున్నారు. ఈ ఘటనలో ఒకరికి తీవ్ర గాయాలుకాగా పలువురు స్వల్ప గాయాలతో బయటపడ్డారు. క్షతగాత్రులను చింతలపూడి ప్రభుత్వ ఆసుపత్రికి తరలించారు.

ఇదీ చూడండి పోలీసుల స్పందనకు... ప్రజల వందనం