పశ్చిమ గోదావరి జిల్లా తణుకు పట్టణ పరిధిలోని పెద్ద వంతెన గోడ కూలిపోయింది. దీంతో అధికారులు అప్రమత్తమయ్యారు. వంతెన ఓ వైపు రాకపోకలు నిలిపివేశారు. తణుకు శాసనసభ్యులు కారుమూరి వెంకట నాగేశ్వరావు.. మున్సిపల్, ఆర్అండ్బీ అధికారులతో కలిసి ఘటనాస్థలాన్ని పరిశీలించారు.
80 ఏళ్ల క్రితం నిర్మాణం..
గోస్తని కాలువపై సుమారు 80 ఏళ్ల క్రితం ఆ వంతెనను నిర్మించారు. వాహనాల రద్దీ పెరగడంతో రెండు వరుసలుగా విస్తరించారు. మొదటగా నిర్మించిన భాగం శిథిలావస్థకు చేరుకుంది. అయినప్పటికీ ప్రభుత్వం పట్టించుకోకపోవడంతో కూలిపోయిందని స్థానికులు చెబుతున్నారు.
ఇదీ చదవండి: 'హత్య కేసు నమోదు చేయండి.. అప్పటివరకూ శవపరీక్షకు అనుమతించం'
