తాడేపల్లిగూడెంలో బాలుడి అదృశ్యం

టిఫిన్ కోసం బయటకు వెళ్లిన బాలుడు అదృశ్యమైన ఘటన పశ్చిమ గోదావరి జిల్లా తాడేపల్లిగూడెంలో చోటు చేసుకుంది. కేసు నమోదు చేసుకున్న పోలీసులు గాలింపు చేపట్టారు.

టిఫిన్ కోసం ఇంటి నుంచి బయటికి వచ్చిన బాలుడు కనిపించకుండా పోయిన సంఘటన పశ్చిమ గోదావరి జిల్లా తాడేపల్లిగూడెంలో జరిగింది. పట్టణంలోని వీకర్స్ కాలనీకి చెందిన మోరం ఉదయ్ సాక్షాత్ (12)... స్థానిక భారతీయ విద్యా భవన్స్ హాస్టల్లో ఉంటూ ఏడవ తరగతి చదువుకుంటున్నాడు. వినాయక చవితికి సెలవులు రాగా ఇంటికి వచ్చాడు. 5వ తేదీన టిఫిన్ కోసం బయటికి వెళ్లి ఎంత సమయమైనా తిరిగి ఇంటికి చేరుకోలేదు. కుటుంబ సభ్యులు చుట్టుపక్కప్రాంతాలు వెతికినా ఆచూకీ లభించలేదు. వెంటనే పోలీసులను ఆశ్రయించారు. బాలుడి తల్లి విజయభారతి తూర్పుగోదావరి జిల్లాలో సర్వ శిక్ష అభియాన్ విభాగంలో కాంట్రాక్ట్ పద్ధతిలో పనిచేస్తున్నారు. ఆమెకి, తన రెండో భర్త గంట రాజుకు మధ్య గత కొంత కాలంగా విభేదాలు నడుస్తున్నాయి. ఈ బాలుడిని గంట రాజు తీసుకుని వెళ్లి ఉంటాడని బాధితులు ఆరోపిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.

ఇదీ చూడండి

విజయవాడ షిర్డిసాయి ఆలయంలో చోరీకి విఫలయత్నం