దేవాలయాల్లో దాడుల వెనుక భాజపా హస్తం ఉందని డీజీపీ గౌతమ్ సవాంగ్ చేసిన వ్యాఖ్యలను తీవ్రంగా ఖండిస్తున్నామని ఆ పార్టీ రాష్ట్ర ప్రధాన కార్యదర్శి, ఎమ్మెల్సీ మాధవ్ అన్నారు. ఘటనకు కారకులైన వారిని వదిలేసి తమపై ఆరోపణలు చేయడం సబబు కాదన్నారు. విజయనగరంలోని జిల్లా పార్టీ కార్యాలయంలో ఆయన మీడియాతో మాట్లాడారు. వైకాపా అధికార ప్రతినిధిలా డీజీపీ మాట్లాడుతున్నారని విమర్శించారు. పోలీసులే ఈ కేసులను పక్కదారి పట్టిస్తున్నారని ఆరోపించారు. రాష్ట్రంలో దేవాలయాల ధ్వంసం, తమ పార్టీ నేతలతో పోలీసుల తీరుపై ఇప్పటికే కేంద్ర హోం మంత్రి అమిత్షాకి తెలియజేశామన్నారు.
ఇదీ చదవండి
