విజయనగరం జిల్లా చినమేరంగి సీహెచ్సీ నుంచి పార్వతీపురం ప్రాంతీయ ఆస్పత్రికి గర్బిణిని తరలిస్తుండగా.. అంబులెన్స్లోనే ప్రసవించింది. జీఎం వలస మండలం బల్లేరుగూడ గ్రామానికి చెందిన జాస్మిన్ కు పురిటి నొప్పులు మొదలవగా.. దగ్గర్లోని చినమేరంగి సీహెచ్సీకి తీసుకెళ్లారు.
అక్కడ సిబ్బంది పరీక్షించి.. పార్వతీపురం ప్రాంతీయ ఆస్పత్రికి తీసుకెళ్లాలని చెప్పారు. అక్కడి నుంచి అంబులెన్స్లో పార్వతీపురం బయలుదేరాక కొత్తవలస వద్ద పురిటినొప్పులు ఎక్కువై… 108 సిబ్బంది సేవలందిస్తుండగానే జాస్మిన్ ఆడబిడ్డకు జన్మనిచ్చింది. వారిని వెంటనే ఆస్పత్రికి తరలించారు. తల్లీబిడ్డలు క్షేమంగా ఉన్నట్లు వైద్యులు తెలిపారు.
ఇదీ చదవండి:
Cm Jagan: 14 వైద్య కళాశాలల నిర్మాణానికి నేడు సీఎం జగన్ శంకుస్థాపన
