విజయనగరం జిల్లా గరుగుబిల్లి మండలం తోటపల్లి సమీపంలోని సుంకి మలుపు వద్ద రెండు ద్విచక్రవాహనాలు ఢీకొన్నాయి. ఈ ప్రమాదంలో ఒకరు మృతి చెందారు. ముగ్గురికి తీవ్ర గాయాలయ్యాయి. పార్వతీపురం బంగారమ్మ కాలనీలో నివాసిస్తున్న ఆర్టీసీ ఉద్యోగులు లక్ష్మణరావు, దండాసితో కలిసి బైక్పై కురుపాం వైపు వెళ్తున్నారు.
సుంకి మలుపు వద్ద వారిని మరో ద్విచక్రవాహనం ఢీకొట్టింది. ఈ ప్రమాదంలో ఒడిశాకు చెందిన జానకి, వెంకటరమణ దంపతులతో పాటు ఆర్టీసీ ఉద్యోగులకు గాయాలయ్యాయి. క్షతగాత్రులను పార్వతీపురం ఆసుపత్రికి తరలించారు. చికిత్స పొందుతూ వెంకటరమణ మృతి చెందారు. పోలీసులు ప్రమాదానికి సంబంధించిన వివరాలను సేకరిస్తున్నారు.
ఇదీ చదవండి: ఊరు ఊరే కూరగాయల తోటగా మారితే..
