ప్రాథమిక ఆరోగ్య కేంద్రానికి శంకుస్థాపన చేసిన ఎమ్మెల్యే

తోణం గ్రామంలో ప్రాథమిక ఆరోగ్య కేంద్రానికి ఎమ్మెల్యే రాజన్న దొర శంకుస్థాపన చేశారు. గిరిజనులకు ఇబ్బందులు కలగకుండా అన్ని సదుపాయాలతో పీహెచ్​సీలు నిర్మిస్తామని హామీ ఇచ్చారు.

సాలూరు మండలం తోణం గ్రామంలో రూ.1.82 కోట్ల నిధులతో ప్రాథమిక ఆరోగ్య కేంద్రానికి ఎమ్మెల్యే రాజన్న దొర శంకుస్థాపన చేశారు. గిరిజన గ్రామాల్లోని నివసించే వారికి ఎటువంటి లోటు లేకుండా చూడటమే ముఖ్యమంత్రి జగన్​ ఉద్దేశమని ఆయన అన్నారు. అంతే కాకుండా.. నియోజకవర్గం అన్నిచోట్ల ప్రాథమిక ఆరోగ్య కేంద్రాలకు శంకుస్థాపన చేయడం జరిగిందన్నారు. ఆసుపత్రుల్లో అన్ని సదుపాయాలు ఉండేటట్లుగా నిర్మిస్తామని ప్రజలకు తెలిపారు.

ఇదీ చదవండి: