ఆటో చోదకుని నిజాయితి..సత్కరించిన పోలీసులు

రూ.32 వేలు ఉన్న పర్సు రోడ్డుపై దొరకగా...పోలీసులకు అప్పగించిన ఆటోడ్రైవర్​ నిజాయితీని గుర్తించిన పోలీసులు సన్మానించారు.

విజయనగరం జిల్లా పార్వతీపురం మండలం బాలగుడ గ్రామానికి చెందిన శ్రీనివాస రావు ఆటో చోదకునిగా పనిచేస్తున్నాడు. మార్గమధ్యంలో అతనికి పర్సు దొరికింది. రూ. 32వేల నగదు, క్రెడిట్ కార్డులు ఉన్న ఆ పర్సును , డ్రైవర్ శ్రీనివాస రావు పోలీసులకు అప్పగించాడు. పర్సులోని గుర్తింపు కార్డుల ఆధారంగా గుమ్మలక్ష్మీపురం మండలానికి చెందిన రవితేజకు సంబంధించినవిగా గుర్తించి పోలీసులు అతనికి సమాచారం అందించారు. ఆటో చోదకుడి నిజాయితీని గుర్తించి అతడిని శాలువా కప్పి సత్కరించారు.