విజయనగరం జిల్లా పార్వతీపురం ఐటీడీఏ పెట్రోల్ బంక్ వద్ద... ఓ మందుబాబు పెట్రోల్ కోసం వచ్చాడు. ఆ సమయంలో ఓ రోగిని విశాఖపట్నంకు తీసుకువెళ్తున్న అంబులెన్స్ వచ్చింది. అత్యవసరం కావడంతో అంబులెన్స్కు ఇంధనం నింపేందుకు సిబ్బంది సిద్ధమయ్యారు. దీంతో ఆగ్రహం వ్యక్తం చేసిన ఆ మందుబాబు... అంబులెన్స్ చోదకుడితో ఘర్షణకు దిగాడు. ఈ క్రమంలో అంబులెన్స్ సిబ్బంది, ఆటోడ్రైవర్లు పరస్పరం దాడులు చేసుకున్నారు. అంబులెన్స్ సిబ్బంది తనను కొట్టారని ఆరోపిస్తూ... పెట్రోల్ పోసుకుని నిప్పంటించుకుంటానని ఆటోడ్రైవర్ వీరంగం సృష్టించాడు. నచ్చజెప్పడానికి ప్రయత్నించినా వినకపోవడంతో పోలీసులకు సమాచారం ఇచ్చారు. పోలీసులు సంఘటన స్థలానికి చేరుకుని మందు బాబును ఆటోలో తరలించడంతో గొడవ సద్దుమణిగింది.
ఇదీచదవండి.
