జిల్లాలో విస్తారంగా వర్షాలు... నీట మునిగిన పంటలు

తీవ్ర వాయుగుండం ప్రభావంతో విజయనగరం జిల్లా వ్యాప్తంగా భారీ వర్షాలు కురుస్తున్నాయి. కుండపోత వర్షాలకు వాగులు, వంకలు పొంగిపొర్లుతున్నాయి. పంట పొలాల్లోకి నీరు చేరటంతో రైతులు తీవ్రంగా నష్టపోతున్నారు.

విజయనగరం జిల్లా పాచిపెంట మండలంలో రెండు రోజులుగా కురుస్తున్న వర్షానికి వట్టిగడ్డ వరద నీరు ఉద్ధృతంగా ప్రవహిస్తుండటంతో మోసూరు కాజ్​వే కొట్టుకుపోయింది. దీంతో ప్రజలు తీవ్ర ఇబ్బందులు ఎదుర్కొంటున్నారు. చీపురుపల్లి, గుర్ల, గరివిడి, మెరకముడిదాం మండలాల్లో మెుక్కజొన్న పంటకు తీవ్ర నష్టం వాటిల్లింది. వర్షాలకు తడిసి మెుక్కజొన్న మెులకెత్తే ప్రమాదం ఉందని రైతులు వాపోతున్నారు. ప్రభుత్వమే తమను ఆదుకోవాలని వేడుకుంటున్నారు.

ఇదీచదవండి