విజయనగరం జిల్లా పోలీస్ శాఖలోని జాగిలాల పనితీరు, ఆరోగ్యాన్ని పోలీస్ పరేడ్ గ్రౌండ్లో ఐఎస్డబ్ల్యూ అధికారులు పర్యవేక్షించారు. ఇంటిలిజెన్సు సెక్యూరిటీ విభాగం చీఫ్ టీవీ. శవిధర్రెడ్డి ఆదేశాల మేరకు విజయవాడ చెందిన అధికారుల బృందం వార్షిక తనిఖీల్లో భాగంగా జాగిలాలను పరిశీలించారు. వాటి ఆరోగ్య పరిస్థితిని పరీక్షించి, సంతృప్తి వ్యక్తం చేశారు. వాటి ఆరోగ్యం పట్ల డాగ్ హ్యాండలర్స్ తీసుకుంటున్న జాగ్రత్తలు అడిగి తెలుసుకున్నారు. అనంతరం డాగ్ స్క్వాడ్ విభాగం రికార్డులను పరిశీలించారు.
నేర స్థలం నుంచి పరారైన నిందితులను పట్టుకోవడం, ఎక్స్ప్లోజివ్ మెటిరియల్ను గుర్తించడంలో జాగిలాలు ఎంతగానో ఉపయోగపడుతాయి. ఇటువంటి జాగిలాల పనితీరు, ఆరోగ్యాన్ని వెటర్నటీ డాక్టరు, ఐఎస్డబ్ల్యూ అధికారులు ప్రతీ ఏడాది పరిశీలిస్తుంటారు.
