ఏటీఎంల వద్ద మోసాలు చేసే దొంగ అరెస్టు

విజయనగరం జిల్లాలో ఏటీఎం కేంద్రాల్లో మోసాలు చేస్తూ దోపిడీకి పాల్పడుతున్న యువకుడిని సీసీఎస్ పోలీసులు అరెస్టు చేశారు.

జిల్లాలోని ఏటీఎం కేంద్రాల్లో అమాయకులను మోసం చేస్తూ నగదు దోపిడికీ పాల్పడుతున్న యువకుడిని విజయనగరం సీసీఎస్ పోలీసులు అరెస్టు చేశారు. దత్తిరాజేరు మండలం కన్నాంకు చెందిన వెంకట భాస్కర్ రావు వ్యసనాలకు బానిసై దొంగతనాలు చేస్తున్నట్టు జిల్లా ఎస్పీ దామోదర్ వివరించారు. డబ్బుల కోసం ఎంటీఎంల కేంద్రాల వద్ద సాయం చేస్తానని వృద్ధులు, నిరక్ష్యరాసులను మోసం చేస్తూ నగదు దోపిడికీ పాల్పడుతున్నట్లు గుర్తించామన్నారు. భాస్కరరావు విజయనగరం, శ్రీకాకుళం జిల్లాల్లో 14 ప్రాంతాల్లో ఏటీఎం కార్డులు మార్చి.. 9 లక్షల 95 వేల రూపాయలు దోచుకున్నాడని తెలిపారు. సాలూరులో ఇలాంటి తరహా కేసు వెలుగులోకి రావటంతో సీసీ కెమెరా దృశ్యాల ఆధారంగా దర్యాప్తు చేపట్టి నిందితుడిని పట్టుకున్నామని ఎస్పీ తెలిపారు.

ఇది కూడా చదవండి.