గిరిజనులకు తప్పని డోలీ కష్టాలు
విజయనగరం జిల్లా ఎస్.కోట మండలంలో దారపర్తి గిరిజన పంచాయతీ శివారు పల్లపు దుంగాడ గ్రామానికి రహదారి సౌకర్యం లేదు. ఈ గ్రామానికి చెందిన జరత నాగరాజు అనే యువకుడికి పచ్చకామెర్లు ముదిరి... పరిస్థితి విషమించింది. విధిలేక గిరిజనులు డోలీ కట్టి 12 కిలోమీటర్ల దూరం కొండలు గుట్టలు దాటుకుంటూ తీసుకొచ్చి ఎస్.కోట సామాజిక ఆస్పత్రిలో చేర్చారు. అక్కడ ప్రథమ చికిత్స ఇవ్వగా పరిస్థితి విషమించింది. స్థానిక వైద్య సిబ్బంది అంబులెన్స్లో విజయనగరం జిల్లా ఆస్పత్రికి తరలించారు. ఇప్పటికైనా ప్రభుత్వం స్పందించి... తమ పంచాయతీకి రహదారి సౌకర్యం కల్పించాలని అమాయక గిరిజనులు కోరుతున్నారు.
ఇవీ చదవండి...నిండు గర్భిణీని 6 కిలోమీటర్లు డోలీలో మోస్తూ...
