విజయనగరం జిల్లాలో పురపాలక ఎన్నికలను సజావుగా నిర్వహించే లక్ష్యంతో.. ప్రతి పురపాలక సంఘంలో హెల్ప్లైన్ నంబర్ ఏర్పాటు చేయనున్నట్లు కలెక్టర్ ఎం.హరిజవహర్లాల్ తెలిపారు. రాష్ట్ర ఎన్నికల సంఘం సూచనల మేరకు.. ప్రజల నుంచి ఫిర్యాదులను స్వీకరించటంతో పాటు వాటిని పరిష్కరించే విధంగా ఇవి పనిచేస్తాయన్నారు. జిల్లా పుర ఎన్నికలకు పరిశీలకులు సీనియర్ ఐఏఎస్ అధికారి కాంతికలాల్ దండేతో కలిసి నగరంలో ఏర్పాట్లను పరిశీలించారు.
స్థానిక రాజీవ్ క్రీడా ప్రాంగణంలోని ఇండోర్ స్టేడియంలో ఏర్పాటు చేసిన స్ట్రాంగ్ రూమ్, ఓట్ల లెక్కింపు హాళ్లను పరిశీలించారు. ఓటర్లు ఎండ బారిన పడకుండా ఏర్పాట్లు చేయాలని.. కూలరు, తగినంత చల్లని నీరు అందుబాటులో ఉంచాలని నగరపాలక సంస్థ కమిషనర్ ఎస్ఎస్ వర్మకు కలెక్టర్ సూచించారు.
ఇదీ చదవండి:
